假如兄弟你是一件獨/毒男，平安夜一支公在家中打機，過年收利是時又被親戚窒冇拖拍，《出租戀人》這套日劇就啱晒你睇，目前只播了兩集，故事講大學生公介（太賀飾）因為平安夜無女陪，誤打誤撞去到間Rental Lover公司，租了皇牌戀未（剛力彩芽飾）做臨時女友，戀未唔單止靚女，還善解人意，十分懂得討男性歡喜，如首集扮初號機討好主角，因而大受歡迎，公介十分喜歡她，展開一段跟踪女神，慕求有關係發展的故事⋯。
坦白說故事有點低能，不過還可以為毒男提供點幻想，為了保持追看性，還加了戀未的神秘身世，說到底其實睇你係唔係剛力彩芽粉絲咯。
網上緩交及出租女友已經不是新聞，日本更有出租大叔，專門同女性談心添，本劇用中介公司介紹女友反而有點落後，幸好半小時一集，無聊過吓癮也是可以的。
Search